Yuan T. Lee
Yuan Tseh Lee (en mandarín: 李遠哲; en pinyin:Lǐ Yuǎnzhé), nado o 19 de novembro de 1936 en Hsinchu Taiwán (Imperio do Xapón), é un químico e profesor universitario taiwanés galardoado co Premio Nobel de Química do ano 1986.
Traxectoria[editar | editar a fonte]
Naceu na cidade de Hsinchu, situada ao noroeste da illa de Taiwán (naquel tempo baixo o poder do imperio xaponés). Estudou química na Universidade Nacional de Taiwán, onde se graduou en 1959, e posteriormente ampliou os seus estudos realizando o doutoramento na Universidade de California en Berkeley nos Estados Unidos en 1965.
En 1974 foi nomeado profesor de química na Universidade de Berkeley, o mesmo ano en que conseguiu a nacionalidade estadounidense.
Investigacións científicas[editar | editar a fonte]
En febreiro de 1967 iniciou a súa colaboración con Dudley R. Herschbach na Universidade Harvard no estudo das reaccións químicas entre os átomos de hidróxeno e as moléculas alcalinas diatómicas.
En 1986 foi galardoado, xunto co seu colaborador Herschbach e o químico canadense John Charles Polanyi, co Premio Nobel de Química polo desenvolvemento da dinámica de procesos químicos elementais.
Vida política[editar | editar a fonte]
Desde o 15 de xaneiro de 1994 é presidente da Academia Sínica, principal complexo de investigación científica e humanística da República da China, polo que tivo que renunciar á súa cidadanía estadounidense.
Yuan T. Lee deu apoio ao candidato Chen Shui-bian en 2000, durante as eleccións presidenciais daquel ano. A vitoria de Chen sobre James Soong promoveu que o primeiro escollese a Lee como Primeiro Ministro, aínda que Lee declinou a súa oferta para continuar á fronte da Academia Sínica.
Ligazóns externas[editar | editar a fonte]
- Páxina do Instituto Nobel, Premio Nobel de Química 1986 (en inglés)
- Autobiografía na páxina do Instituto Nobel 1986 (en inglés)
- Yuan Tseh Le en Biografías y vidas(en castelán)
- Perfil de Yuan Tseh Le en NNDB (en inglés)
| Predecesor: Herbert A. Hauptman e Jerome Karle |
Premio Nobel de Química 1986 con Dudley R. Herschbach e John Charles Polanyi |
Sucesor: Donald James Cram, Jean-Marie Lehn e Charles J. Pedersen |
