Benjamin Lee Whorf
| Biografía | |
|---|---|
| Nacemento | 24 de abril de 1897  Winthrop, Massachusetts, Estados Unidos de América (pt)  |
| Morte | 26 de xullo de 1941 (44 anos) Wethersfield, Estados Unidos de América (pt) |
| Causa da morte | cancro |
| Datos persoais | |
| País de nacionalidade | Estados Unidos de América |
| Educación | Universidade Yale Instituto de Tecnoloxía de Massachusetts |
| Director de tese | Edward Sapir |
| Actividade | |
| Campo de traballo | Lingüística e volkerpsychologie (en) |
| Ocupación | antropólogo , lingüista , filósofo |
| Empregador | Universidade Yale |
| Influencias | |
| Lingua | Lingua inglesa |
| Obra | |
Obras destacables | |
  | |
Benjamin Lee Whorf, nado en Winthrop (Massachusetts) o 24 de abril de 1897 e finado en Wethersfield (Connecticut) o 26 de xullo de 1941, foi un lingüista estadounidense, pupilo de Edward Sapir, de quen tomaría a hipótese etnolingüística para levala ao que actualmente se coñece como a hipótese de Sapir-Whorf, unha teoría do relativismo lingüístico.
Traxectoria[editar | editar a fonte]
Benjamin Whorf estudou química no MIT e despois iniciou unha carreira de inspector de incendio para compañías de seguranza. Interesouse polos estudos lingüísticos bastante tarde na súa vida, seguindo os cursos de E. Sapir a partir de 1928, e logo foi asistente de Sapir na Universidade Yale (1937-1938).
Investiga as linguas amerindias dos Estados Unidos e de México. Publica unha gramática da lingua hopi (estivera vivindo con eles en 1932), diversos estudos sobre os dialectos náhuatl, sobre a escrita xeroglífica maia, e o primeiro intento de reconstrución do utoasteca. Publica ademais a partir de 1936 un bo número de artigos en revistas de lingüística que trataban da hipótese Sapir-Whorf, das maneiras en que ao seu parecer os diversos sistemas lingüísticos afecten os sistemas de pensamento e os costumes de comportamento dos usuarios das linguas.
Morreu en 1941 e os seus textos, algúns entón aínda inéditos, foron reunidos nun volume, que apareceu en 1956 co título Language, Thought and Reality.
