Belén Outeiriño
| Biografía | |
|---|---|
| Nacemento | 1953  (70/71 anos)Ourense, España |
 Alcaldesa de Petín | |
| 1980 – 1983 | |
| Datos persoais | |
| País de nacionalidade | España |
| Actividade | |
| Ocupación | política |
| Familia | |
| Irmáns | Maribel Outeiriño |
María Belén Outeiriño Rodríguez, nada en Ourense en 1953, é unha política galega.
Traxectoria[editar | editar a fonte]
Filla de Alejandro Outeiriño Rodríguez e Rocío Rodríguez Fernández. Estudou o bacharelato en Ourense. Instalouse en Petín a mediados da década dos setenta. Nas primeiras eleccións demócraticas presentouse como número tres na candidatura da UCD ao concello de Petín. Foi elixida concelleira e tenente de alcalde e concelleira de Cultura. Logo da dimisión do alcalde Casiano Rodicio Quevedo en xaneiro de 1980 e da renuncia do número dous Emilio Vázquez Díaz,[1] foi elixida alcaldesa de Petín o 15 de febreiro.[2]
Nas eleccións municipais de 1983 encabezou a candidatura de Coalición Galega que obtivo dous concelleiros,[3] e non puido revalidar a alcaldía a pesar do apoio dos dous concelleiros do PSdeG-PSOE, ao absterse o único concellleiro do PSG-EG.[4] En xaneiro de 1985 dimitiu como concelleira.[5] Nas eleccións autonómicas de 1985 foi a número tres da candidatura do CDS por Ourense,[6] pero non resultou elixida. Foi candidata ao Senado polo CDS nas eleccións xerais de 1986.[7]
Vida persoal[editar | editar a fonte]
Casou en 1970 con León Meana Jiménez, técnico electrónico de Saltos del Sil.[8] É irmá de Maribel e José Luís Outeiriño Rodríguez, presidente de La Región.
Notas[editar | editar a fonte]
- ↑ La Voz de Galicia, Ourense, 25-1-1980, p. 27.
- ↑ La Voz de Galicia, Ourense, 17-2-1980, p. 31.
- ↑ La Voz de Galicia, Ourense, 15-5-1983, p. 31.
- ↑ La Voz de Galicia, Ourense, 24-5-1983, p. 28.
- ↑ "Belen Outeiriño deja la política por razones familiares y profesionales", La Voz de Galicia, Ourense, 15-1-1985, p. 30.
- ↑ La Voz de Galicia, Ourense, 15-10-1985, p. 19.
- ↑ La Voz de Galicia, Ourense, 13-5-1986, p. 23.
- ↑ La Región, 11-9-1970, p. 7.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
| Predecesor: Casiano Rodicio Quevedo |
 Alcaldesa de Petín 1980 - 1983 |
Sucesor: Agenor Antonio López Siso |